Per Gareth Jones
(Revirat de l’anglés per Diu Negre)
La proa escura de la mea gondòla que possava a plaser las aiguetas deu canau. La nau alurada que’m serví beròi annadas de reng, cossirant los passatgèrs per las veas de la ciutat dab la guidança deus mens davancèrs.
Lo só qu’èra a cabussar sus l’anciana ciutat, virant las aiguetas en un long riban de tinta tortejant enter la flor deus bastiments de gres. Qu’aledèi pregond lo seren tèbe.
Estossi un endret mei agradiu qu’aquesta esmeriglanta ciutat deus canaus ? Quan la nau e’s hremè a tot doç que m’estanquèi tà claverar dab contentèr l’escuranha de la noa de Mars.
Fin
Tà’n sàber mei sus l’autor : http://www.garethdjones.co.uk
diunegre.com 