«Qu’ei lo noste monde esmanglat per un genre d’efòrç mentau de l’autor, qu’ei lo noste monde transformat en çò que n’ei pas o pas enqüèra. Aqueste monde que’s deu distinguir d’un biaish au mensh d’aqueth qui ns’ei dat, e aqueste biaish que deu estar sufisent entà perméter hèitas qui ne’s pòden pas produsir dens la nosta societat – o en nada societat coneishuda presenta o passada. Qu’i deu aver ua idea coherenta implicada en aquera dislocacion ; aquò vòu díser que la dislocacion que deu estar conceptuau, e non pas simplament triviau o estranha – b’ei aquò l’esséncia de la sciéncia ficcion, ua dislocacion conceptuau dens la societat d’un tau biaish qu’ua navèra societat qu’ei produsida dens l’esperit de l’autor, pausada suu papèr, e en partir du papèr que produseish un acarament convulsiu dens l’esperit deu lector, l’acarament produsit per un troble de la reconeishença. Be sap que ne lei pas un tèxte suu monde vertadèr. »

— Philip K. Dick, letra deu 14 de mai de 1981