Trompeta que sui pompeta, e tu dides ren ?
Jo mossur èri una tor d’aiga sòbria, mossur…
‘Quò vira puta bòrnha de ronha, carunha que poirés claxonar !!!
Vedes mon dromadari das illas, ‘quò’s pas tan malaisit d’estar pas engulat.
Mossenh lo dromadari, sès un mossenh tu pas coma aqueths camèus, l’òm diré qu’an de las popas sus l’esquina…
AHHHHHH sanctus sus lo bòrn d’aiga ?
Non, ‘quò seré mon sang per tèrra !!!
Au bòrn dau bordèl, mei dau Ricard, o dau Sautèrna, jo sui bien elevat !
Rebiglas amic, pas encara coma la ruia, mes totun, mon amic…
Tu me dides tan díder shens díder tu mèma…
Amei tu !!
Ganhat !!
Aquò virona la tèrra, mes pas dens lo bon sens dau sorelh, que hèi la gòda lo sorelh…
Las Lanas lo van arrenjar au sorelh, lo van pérder per totjorn dens las legendas e lo negar dens las ròcas…
Bien hèit !!
Fau pas remarcar que sui canfrada coma bochòla en corriòla après la bièrra de dimenge un desser d’estiu polonés…
Se fau concentrar sus la cultura aquosa, que se macha a la vista de l’alcòl e de sos uelhs pèrs…
Jo credi que vau far coma Dimey que me parla sovent capsús dedens lo cièl.
E m’envolar
M’envolar
Me’n vau te deishar mon dromadari das Carpatas verdas…
Que sui plen d’aiga a l’anís…
‘Quò’s partit Bernat que vam har l’aperò mei haut que las estelas…
diunegre.com 