Per Jessyka Rojo

Lo Drac ne sap pas aimar, que caça…

La pèth de son ventre es freida. L’aiga a son entorn lo parona. Mes tròba a díder la calor. Tant d’annadas a har passar las amnas dens lo leit fòu de Garona, apuei dens son leit ondinas veladas mes nada prampó pèga per l’aimar.

Encara un còp devath la luna qu’a hèita sona, tanben era, son tòrse d’òme disement colorat per sos rais blus, agaita au lònh esperant véder una dòna s’avançar dau lac que començava d’auger sa legenda.

Quant de nueits a creire estar amorós ? Quant de còrs desligats cochats devath lo son, camas e aletas meilats per de quasi orgasmes ? Combien de mestressas ? Pas nada reina.

Lo Drac vòu aimar, ne parla pas mei. Se contenta dau sombre e dau silenci, gaitant los aigòts de sos grands uelhs negres, lo diden maishant. ‘Lavetz que son còr es plen, ‘lavetz que son amna de còishe s’es negada mila còps, ‘lavetz que rèiva de popas pro moflas per i pausar son cap mei sas ‘grimas, ‘lavetz que cada mòrt que vei passada, lo blaça coma una pèrta. Parla pas mei, roscalha, ruishe, ne rid pas mei nimei gemís, darroca los sospirs.

L’aiga a son entorn es tinta Sa pèth d’òme se reherís percorruda d’un fresilhon desconeishut. Sent un regard darrèir eth e se ten prèste ad una ataca. Se revira d’un blòc, dens lo cascalh d’un lac complici de milèirs d’annadas e la vei… Son còrs, sas corbas de hemna son una crida a la caça Son una crida a porsubir. Son un crit per de futuras nueits blancas. Sos muscles son bandats per la corsa a venir. Mes era l’espia, aquí dens los uelhs, ent’on digun ne pòt sustenir la sua escurada mei de quauques segondas. Sos uelhs end’era son ludents color èrba, color dau fons mei de la tèrra inondada. Que s’arresta, plen d’un sorelh que li hèi se nhacar los pòts dinc au sang. S’avança, a deijà los pès dens l’aiga.

Las segondas los encernan, l’aiga exquisa una valsa damb los ragolhs de lurs pas. Amei pr’au purmèir còp, perdut dens sos uelhs que craunan dinc a sos rèives, lo Drac vòu aimar. Lo Drac vòu cantar mila cants aublidats.

Un commentaire

Votre commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l’aide de votre compte WordPress.com. Déconnexion /  Changer )

Photo Google

Vous commentez à l’aide de votre compte Google. Déconnexion /  Changer )

Image Twitter

Vous commentez à l’aide de votre compte Twitter. Déconnexion /  Changer )

Photo Facebook

Vous commentez à l’aide de votre compte Facebook. Déconnexion /  Changer )

Connexion à %s