Per Tomàs Hirondelle

Messatge pausat sul burèu del cap dels Servicis Secrets de la Republica Occitana

«Aquí lo resumit de l’escambi de corrics relatius al borrolament climatic eissit de la pèrda de donadas Viquilixes n°2457-RB, que foguèt interceptat per nòstres informaticians. Avèm pas a apondre qu’aquò deu demorar estrictament confidencial : Los expertes son formals. La prima s’engimbra pas coma cal dempuèi quauques annadas. Es a dire dempuèi la creacion del CSVC, lo Comitat Scientific de Vigilança Climatica, a la fin de las annadas 1980, que z’a pogut observar.

D’accidents sempre mai inquietants son estats notats dins la marcha normala de l’espeliment del verdum e dins los esquèmas de reproduccion de fòrça bèstias qu’an patit de perturbacions en defòra de tot çò qu’èra pensable : florason fòra sason, crebason inexplicada del plantum, e chas lo bestial, comportaments suicidaris, abandon dels pichons tre la naissença s’es tròp precòça, sens parlar dels insèctes desvariats. Sens voler desvolopar un discors apocaliptic contra-productiu, an ben totparièr ensajat d’alertar, de senbilizar pels relais qu’an dins la societat civila : marchas pel climat, e fa pas gaire, per la formacion d’una jove oratritz danesa, qu’una partida del monde poiriá comprene e s’indentificar amb. Aquò sufiguèt pas. Las annadas 2018 e 2019 son estadas plan pièger que las autras d’un punch de vista scientific. Es tot lo sistèma qu’es a se desparricar…

La solucion es venguda de China ont an de mai en mai de contactes, que passan per un malhum amagat. An pensat de salvar lo monde contra sa volontat en creant un virus, de febla portada, mas pro dangierós per èsser crentat. L’efièch recercat seriá de far baissar totas las pollucions ligadas a las activitats umanas, amb consigna de limitar los desplaçaments pel biais d’un confinhament estricte espandit a la quasi totalitat de l’umanitat los temps de prima. An capitat, mas aprenèm que d’elements extremistas PPSU (Per la Planeta Sens l’Umanitat) an infiltrat lo grop creator, lo virus es a mudar…»

Votre commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l’aide de votre compte WordPress.com. Déconnexion /  Changer )

Photo Google

Vous commentez à l’aide de votre compte Google. Déconnexion /  Changer )

Image Twitter

Vous commentez à l’aide de votre compte Twitter. Déconnexion /  Changer )

Photo Facebook

Vous commentez à l’aide de votre compte Facebook. Déconnexion /  Changer )

Connexion à %s