Un univèrs obèrts

Per Christian Andreu

Ei possible qu’es teories mès estonantes siguen vertat ? Ei possible un futur on era umanitat ei totauments esclavizada pera tecnologia e on es abitants d’autes planetes siguen morauments fòrça superiori ara nòsta espècia ? E com se debanarien alavetz es descobèrtes tecnologiques, per azard o a trauèrs deth contacte damb d’autes civilizacions planetaries ?

Tot açò e encara mès ei çò que podetz trapar en libe “Quaranta tres” de Felip Biu, un nau libe de sciéncia-ficcion publicat ongan per Per Nòste e que torne a dar vida ad aguest gènre d’ua manèra espectacular. Eth son format, ua amassada d’istòries cuertes (set en totau), ei ideau entàs aimants dera sciéncia-ficcion pr’amor qu’es condes son un des gènres mès trabalhats pes autors de sciéncia-ficcion, occitans o non. E açò tanben ei un merit deth libe de Felip Biu.

Era darrèra istòria ei tà nosati era melhor de totes. Ei De alienorum religione, e ei atau pr’amor qu’eth lector non pòt desviar era atencion dera istòria que Felip Biu desvolòpe d’ua manèra magnifica. Eth conde descriu com se poirie passar un contacte pendent un futur encara non determinat damb ua auta civilizacion en ua auta galaxia. Era diferéncia damb un des auti condes de Quaranta tres (“Lo navau planeta”), ei que Felip Biu descriu com poiriá èster un contacte semblant mès qu’era vision ei sus çò que se passarie damb uèlhs umans aguesta istòria se situe ena istòria dera auta civilizacion.

De alienorum religione ei ua istòria cuerta des mès interessantes qu’auem liejut darrèraments en aguest gènre. E açò situarie era narrativa d’aguest escrivan gascon tanben en nivèu des autors de lengua anglesa mès bons(boni) dera planeta. Ei ua istòria fòrça originau, escrita en un beròi gascon que torne a dar vida ad aguest gènre en lenga nòsta d’ua manèra susprenenta.

Solament per aguesta istòria que ja cau crompar eth libe e poder atau tanben confirmar qu’ei un des melhors libes de sciéncia-ficcion en lenga nòsta des darrèri tempsi. E pr’açò volem demanar Felip Biu que cau contunhar explorant aquera dralha, aqueth camin, pr’amor que ne poden gésser òbres excepcionaus.

2

Lo navau planeta

Non volem parlar en prigondor d’aguesta istòria. Eth lector pòt hè’c (que cau hè’c perfèctaments ath costat d’autes istòries deth madeish genre que tanben son, aumens, tan interessantes coma De alienorum religione. Son istòries qu’an tanben un hiu comun: era umanitat a diuèrsi contactes damb d’autes civilizacions extraterrestres o aumens, non umanes.

Aguest serie eth cas dera istòria “Disseccion” e “Lo navau planeta”, mès tanben era originalissima istòria de “Lucky Duke” qu’a un ton trufandèr mès ath còp pro seriós entà amiar ath lector ar espaci mès prèp dera Tèrra (e que pòt èster tanben fòrça interessant).

Son universes prèps que donen ara dimension umana ua sensacion de petitesa e que situe er èster uman ena sua mès corrècta dimension; que èm es umans en er Univèrs ? Practicaments arren, e açò qu’ei un hèt scientificaments (toti es astrofisicians que vos ac confirmaran) demostrat, e qu’ei tanben desbrembat. Au mens pera majoritat des individús dera nòsta espècia, Homo sapiens sapiens.

E com poirie èster eth futur pendent es pròplèus vint o trenta annades maugrat que non i auesse nat contacte damb ua civilizacion extraterrèstra ? Donques açò tanben son diuèrsi camins que Felip Biu tanben volguèc explorar. Es sòns condes “Ua mair perfèita”, “Lo miejon” e “43” son d’assages literaris racionals sus qué se pòt passar o ja se passe ara e que nosati encara non coneishem. I a un Diu vertadèr que dirigís es causes umanes ? I a ua presciéncia que permet saber (damb era astrologia) qué pòt arribar? O, encara, era tecnologia ajudarà o non era umanitat pendent eth futur mès pròplèu?

Eth mon imaginatiu de Felip Biu ei un mon d’exploracion temporau e espaciau com eth qu’aueren es ancians escrivans o exploradors umans en es continents mès aluenhadi. Non i a nat camin desbrembat. Totes es teories e ipotèsis demoren daurides pr’amor que, maugrat era sciéncia e era tecnologia es umans èm encara , maugrat qu’adults, petiti mainatges, que non sabem arren dera planeta, der univèrs que i a ath torn nòste.

E es camins d’exploracion de Felip Biu, es sòns condes de sciéncia-ficcion, son beròis e ath còp interessanti e seriosi, qu’amien) tostemps eth lector entàs possibles responses qu’era majoritat d’umans non pensam jamès.

Ei pr’açò que cau arrecomanar totauments as aimants dera sciéncia-ficcion, era lectura de Quaranta tres, de Felip Biu, publicat en Per Nòste aguest madeish an. Ei ua escasença unica entà conéisher com aguest gènre dera sciéncia-ficcion, tornèc a èster viu e fòrça viu ena lenga nòsta, en occitan. E era beresa dera pròsa gascona de Biu balhe mès interès encara ad aguest libe.

Pr’amor qu’aprés es condes de Biu qu’èm seguri que n’arribaràn lèu d’auti e que pensem que, lèu lèu, era sciéncia-ficcion serà un des gènres mès cotivats en occitan. E qu’açò ja hège temps que calie èster hèt. E pr’açò dam es gràcies a Felip Biu pes sues istòries e li’n demandem encara d’autes mès. E lèu !

3

One thought on “Un univèrs obèrts

Daissar una responsa

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Cambiar )

Google photo

You are commenting using your Google account. Log Out /  Cambiar )

Twitter picture

You are commenting using your Twitter account. Log Out /  Cambiar )

Facebook photo

You are commenting using your Facebook account. Log Out /  Cambiar )

Connecting to %s