Reverberacion VI

Per Laurenç Revèst

Capítol de pena ultima

Pa es estach contaminat. Las bacterias avian atacat la combinason. Es sofrent. Dins lo passat, per destruire lo plastic toxic, avian inventat una bacteria manjaira de plastic. E coma sovent, es devengut de pèjor en pèjor. Parier per Pa.

Sela fa coma se de ren non èra. Ai d’a besonh de mi cambiar lo ment.
Òc.

Tòrno pensar a l’enciclopedia d’Estil.
A l’astre, de rubricas. Passo e vau de l’un a l’autre.
Descuèrbo que nòstra familha parlava una lenga qu’a perdut de prestigi, l’occitan e que l’Estat a tot fach per la far obliar e cambiar totas las referéncias a ela.

Pi, una rubrica: Repuar lo temps. Interessant, nosautres sonam aquò de Sciéncia ficcion. Parla de passar dins de traucs negres, e sortir dins un temps parallèl, mai de temps avans d’i èstre entrat. Sio ren segura d’aver capit tot. Cerco los mòts claus. Impressionant. Mas mestrean ren tot, de fisicians faguèron de carculs. An mandat de sondas dins de traucs negres mas ren de clar. Totun, de piratas cercan de devançar las recercas estatalas per ganhar d’argent coma totjorn. Aquel que mestrea lo sieu passat, pòl envisatjar melhor l’avenir.
E repuar dins lo passat, reescriure l’istòria passaia per far obliar d’errors dal passat, o las reproduire…

De filosofia mena tanben. E se pausar de questions. Nòstra plaça dins l’univèrs, qué diaul venèm portar al monde aicí? Coma frema, donar e portar la vita tanben. M’enfin ren soleta, non. Seria tròup trist. Ja que dins l’univèrs nòstre, centrat sus lo trabalh e la subrevita, sèm solets de còups. Per astre ai la familha amb ieu, al mens. Mas un jorn calrà benlèu partir e aver un autre emplec, plus coma assistenta en tant que membra de la familha, autra part.

Pauso una question en criptat a Estil. Espero la respòsta. Trobar una plaça dins l’equipa de cercaires sus lo viatge dins lo temps.
Espero, la respòsta. Mi demanda se vòlo picar de rapòrt per lor grop. Far d’articles per promòure, sota pseudo, lors recercas.
De fach, mai lo temps passa, mens mi diso qu’i arribarai. Pasmens, mi ven l’espèr de poer repuar dins lo temps en salvant Pa. Òc !

Sio pròpi motivaia. Pa, salvat, coma i arribar. Ne’n parlo en degun.
A flor e mesura, pico de documents mai confidencials. Un m’es mandat per error. S’agisse de mandar de joves provar de passar lo trauc negre lo mai pichon trobat fins aüra per veire se poèm repuar… Lo temps !
Un membre previst es malaut e cercan quarqu’un de segur per lo remplaçar.
E ieu ??
Diso que se m’acceptan ren, mi vau plantar lo pati e far escrancar lor projèct.
Sio enervaia, los vau prefónder las recercas.

M’acceptan d’autant mai que sio liura. Los parents devon s’arrestar de far de transpòrts. Pa es malaut, mama Sela deu s’ocupar d’el dins una basa fixa. E ieu començo de mi far grandeta.

Aquí, tot va lèu.
Quito lo biais de viure qu’avèm tostemps agut. Quito los parents, lor diso qu’ai un estagi de trabalh.
Estil fa mandar un jove, Nòu, per mi recuperar.
Devèm viatjar longtemps e non ai d’autras causias que de dever èstre mesa en sòm ralentit per lo viatge. Devo far fisança a Nòu. El farà parier per el, assistit d’un robòt.

Se drevilham. La basa d’Estil es al ras dal trauc negre. Fasèm fisança. Sèm cinc, tres filhas e dos garçons.
Avèm una setmana per verificar que tot vague. E partirem.

Es lo jorn partem. Mando un pichon mòt als parents. Benlèu lo darrier. Diso que sio aürosa. Lo projèct mi platz. Es ver. Quitament s’es riscat. Estil nos faguèt firmar de papiers que seràn donats als nòstres en cas que…

Partem, avèm totes la formacion aüra per saber qué far. Per los auvaris principals.

Passam l’entraia dal trauc. Dintre, es… negre. Perdem las comandas. Arribam plus a se parlar entre totes. Es lo negre complet.

Répondre

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion /  Changer )

Photo Google

Vous commentez à l'aide de votre compte Google. Déconnexion /  Changer )

Image Twitter

Vous commentez à l'aide de votre compte Twitter. Déconnexion /  Changer )

Photo Facebook

Vous commentez à l'aide de votre compte Facebook. Déconnexion /  Changer )

Connexion à %s