Reverberacion V

Per Laurenç Revèst

Capítol antepenultim

Lo temps passa, passa lo ben. 

Èra sus una fòto d’una maison de vilatge quora los òmes vivian encara environats de natura. Òc, lo temps passa. Lo trin trin de la vita. Mas, l’eveniment permete de far lo buzz, lo clash, pi lo recadratge, la respòsta. Viure e manjar. Manjar fisic e esperital tanben. 

Sio de charrar amb un amic interstellar, si parlam despí quarque temps. Mas aüra comença de mi saolar en mi parlar de la guèrra Santa interespaciala. Mi vòl regalar un catmagòchi, aquels cats en impression a distància, que vos regalan los combatents de l’amor. Que ditz el. Per salvar las ànimas perdüas de la Constellacion. Lavar l’esperit, depolluar nòstres ments. Bla bla e bla. 

D’aquel temps, salvaia, Sela nos alerta de la ràdio de securitat. Profito per far diversion e lo plantar dins los sieus deliris. Èra amorós de ieu, mas ieu, d’aquò m’a levat enveia de l’idea. 

Sela parla. Grèva. Es anaia far un viro d’inspeccion pròche lo cargament e a vist un tòc de carroceria dal vagon coma fondut. 

Pa se’n va alora quitar la zòna de vita per intervenir. L’IA nos avertisse d’una bacteria o micròb coma alerta exteriora detectaia al meme temps. Bòn. Mete lo pilotatge en velocitat reducha. 

Passa la setmana que cada jorn va reparar fòra e fa un cubercel de secors per tenir lo viatge. A un tuto per o far dins lo manual de secors. Lo problèma es que los transportaires son mal assegurats e que Pa a jamai facha aquela operacion. 

Son de bacterias manjairas de plastic qu’an mutat e que pòon atacar tant lo plastic coma lo metalplastic. Aquel material qu’a las proprietats dal plastic e dal metal… Diaul. 

Al final, devem abandonar una part dal cargament e far desintegrar lo vagon contaminat per evitar la contagion. 

De trabalh, n’i èra a ofa. Aüra, ai temps de cavar dins l’enciclopedia istorica de l’umanitat per cercar, viatjar a gratis, descubrir de causas estonantas, emparar. 

Un autre amic interstellar mi recomanda de contactar Estil, un saberut que fa de contribucions a una enciclopedia mai a còntra subèrna umana mai populara. 

I anarai dins quarques seras. Per lo moment, avèm encara de nos reméter de las bacterias. 

Répondre

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion /  Changer )

Photo Google

Vous commentez à l'aide de votre compte Google. Déconnexion /  Changer )

Image Twitter

Vous commentez à l'aide de votre compte Twitter. Déconnexion /  Changer )

Photo Facebook

Vous commentez à l'aide de votre compte Facebook. Déconnexion /  Changer )

Connexion à %s