De femnas (piratas) e de sirenas

Uèi lo jorn (encara) la majoritat de las istòrias, sián del genre de la SCI-FI, la Fantasy o encara d’autres, an totjorn coma protagonistas d’òmes. Lo nuclèu tradicional de tot conte universal : qu’a un eròi, li cal començar un viatge amb una fin e normalament sauvar una gojata, ganhar los opressors e fin finala conquistar la tòca que voliá per èsser coronat coma lo grand eròi que sauvèt la planeta, a un òme coma protagonista. E pas, normalament, de femnas.

Pr’aquò es estonant encara uèi lo jorn e en de genres literaris tras que modèrns (escolhits de manièra majoritària per de jovens) coma la Fantasia Eroïca que la protagonista siá encara e totjorn un òme. Coma se las femnas (dins de monds imaginaris) qu’existisson pas e qu’apertenen; sovent, al futur poguèsson far tot aquò d’un biais parièr a coma o poiriá far un òme (o encara melhor). Mas Tao Bang es una benda dessenhada que, urosament, es pas aital.

Tao Bang es ja un classic de la benda dessenhada europèa. Editada per Edicions Delcourt en 1999 en França (qu’arribèt apuèi en d’autras lengas e païses) e qu’aguèt un dels grands del dessenh de França : Didier Cassegrain. Solament per aquò ja es recomandable de legir las doas peças que forman la benda dessenhada de Tao bang : Lo Seten Cercle (1) e L’Illa de las Sirenas (2). Sens desmembrar lo trabalh del dessenhaire Blanchard – que demandèt a Cassegrain de començar a trabalhar coma dessenhaire dins lo mond de la benda dessenhada (amb granas resultas coma “Carmen Mc Callum”, “Las Filhas del Solelh” “Trapa en Zarkass” o encara “Los Univèrses d’Stefan Wul »).

p2

Se l’òbra de Cassegrain ja es fantastica dins Tao Bang, a mai del tras qu’ordinàri dessenh d’aquel autor (e de Blanchard tanben), i a una excellenta istòria desvolopada pels scenaristas Vatine e Pecqueur, fa mai bona aquela benda dessenhada.

E òc, pr’amor l’istòria de Tao Bang, desvolopada per Olivier Vatine e Daniel Pecqueur, es una de las mai originalas qu’avèm legit darrièrament (manca n’ei pas gaire desvolopada dins los segond episòdi e que finís lèu lèu quora poiriá plan contunhar pendent divèrses episòdis mai).

D’efièch, dins Tao bang i a pas d’eròis mas una eroïna. Aquela es pus lèu un contraeròi pr’amor qu’es lo contrari d’un cavalièr/princessa : es una pirata. Una pirata qu’a un vaissèl amb una tripulacion de femnas (e qualas femnas!). Qu’an pas de paur e qu’an de trapar l’Illa de las Sirenas se vòlon pagar lo deute qu’an amb Ad Arfax, un èsser mitologic qu’a la vila de Pòrt Xancth totalament sosmesa tre d’annadas.

L’istòria de Tao Bang comença pas amb la pirata Tao bang mas amb dos marinièrs qu’escapan de son vaissèl e que finisson dins Marèa Flotanta, l’Ostal de Prostitucion qu’aviá tengut la fama pus granda de tot Pòrt Xarnath.

Lo començament de l’istòria es doncas tras qu’ordinària : de personatges dins un mond fantastic de piratas, de prostitutas e de rivalitat comerçala qu’an tot lo sens quora comença la cerca de las illas.

E tot dins una istòria (es lo merit de Vatine Pecqueur) que parla tant o mai dels personatges negatius (los contraeròis) coma dels eròis (eroïnas). E quora comença la cerca l’istòria es estada tant ben dessenhada que lo legeire vòl pas realament qu’aquela comence. Per ansin disèm qu’es una de las bendas dessenhadas amb una istòria pus originala (sens parlar de la tras que nauta qualitat del dessenh de Cassegrain).

p3

La recèrca de l’Illa de las Sirenas serà totjorn brica longa. Los tres marinièrs que la començan son lèu trapats per Tao Bang (que comença lo viatge al costat d’Ad Arfax en tot perseguir los marinièrs). Kirin a una pèira magica que mòstra la dralha a las Illas de las Sirenas. E apuèi èsser sauvats per las piratas d’èsser manjat per un elasmosaure arribaràn lèu a l’Illa de las Sirenas.

Lo Mond de Tao Bang es plen de dimorfodons, pterosaures montats per de mercenaris al servici d’Ad Arfax e de làmias gigantas que fan de la mar un dels luòcs pus perilhoses. Mas quora pus dangièr i a, maus fièras son las femnas piratas que son amb Tao bang (anciana amiga de Norden). Son de piratas que luchan bravament, qu’an pas paur de res e que pòdon far las causas benlèu encara melhor que los òmes (son aquestes en aquela benda dessenhada que fan lo ròtle tradicionalament feminins).

Poirà Tao bang sortir urosa de l’Illa de las Sirenas apuèi luchar contra lo kraken ? Sauvarà a Norden, Kirin e Kesh de lor destin ? E Poirà èsser considerada (ela e sas piratas) per lo legeire coma una dels mai originals personatges creats dins la benda dessenhada del sègle XXen europèu ?

p4

Cossí siá solament podem recomandar legir Tao Bang se podem o far. L’istòria, que poiriá demorar pus, fa pas dublidar que Tao bang e lors piratas femnas pòdon entraïnar un bèl e polit efièch dins la ment del legeire de bendas desssenhadas e aimant de l’Heroic Fantasy que vòl, totjorn, trobar de mondes nòus, d’istòrias, de personatges e perqué pas, de bèlas femnas coma protagonistas de tot.

Christian Andreu

Daissar una responsa

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Cambiar )

Google photo

You are commenting using your Google account. Log Out /  Cambiar )

Twitter picture

You are commenting using your Twitter account. Log Out /  Cambiar )

Facebook photo

You are commenting using your Facebook account. Log Out /  Cambiar )

Connecting to %s