Per EL HOCINE YOUNES, EL HOCINE CHAIMA e MELLET EMMA DE 4°6-4°5 deu collègi Victor Hugo de Tarba
Un còp èra, a Tolosa, un panissèr a qui ne l’agradava pas tròp lo sué mestièr permor la sua panisseria qu’èra vielha e shens tròp d’informatica.
Un dia, que decidè de barrar la soa botiga. Coma per escàs, ua mesada mes tard, lo panissèr que ganhè a la loteria. Que decidè alavetz d’arrenavir la sua panisseria. Pendent dus mes que s’i botè a trabalhar neit e dia. Qu’avèva arretrobat l’espèr.
Après aver transformat la sua panisseria n’ua panisseria electronica, que’s sentí melhor. Atau, lo chifra de las ventas que pujè, aprés que totas las maquinas electronicas las mei perfectionadas tecnologicament estón installadas dens la panisseria.
Un ser, que s’ajaçè dens lo sué lheit e que saunejè de sua vielha panisseria e que vedó quin èra provassuda, vielha, lèda e nulla… Que’s desvelhè sobtament permor que credèva que la sua panisseria hiperperfectionada n’èra pas vertadèra.
En aprenent que la chifra de las ventas avèva tant pujat, TF1, BFM TV, CNN, BBC … Que volón hèr un reportage entà conéisher lo secret d’aqueras incrediblas ventas. Los jornalistas qu’arribèn tots a la panisseria lo divés 7 de junh coma previst. Lo panissèr que’s presentè aus jornalistas e qu’ensenhè lo foncionament de l’ua de las maquinas.
Lendoman maitin de d’òra, las maquinas que petèn totas en un còp quan arribèn los jornalistas per lo dusau dia de rodatge. Que vedón los domaus d’ua subercauha de las maquinas e que trobèn lo panissèr sufocant sus lo sòu. Qu’aperèn los pompièrs mes davant d’arribar, qu’avèva defunat, lo panissèr. Las televisions que hasón un reportatge d’aquera mòrt tragica e tots los tolosans que’s bremban encòra d’aquera hèita.
imatge de Sylvain Sarrailh
diunegre.com 