Enquèsta sus Tèrra

Per Matias Camapna-Mouly, Lou Ladevèze, Noha Bournebede, Amelie Vignes, eslhèves de 4au au Collègi Victor Hugo de Tarba

En 2130, qu’i èran dus astronautes, Pom e lo generau Spok dens ua estation espatiau dens laquau i èra ua intelligéncia artificiau, Tiri, qui geriva tota l’estacion. Los dus astronautes que vienèvan deu planeta Naarox. Que devèvan anar reparar ua auta estacion qui s’aperava Rilès2000 e qui s’èra esglaishada sus Tèrra.

– Generau Spok, qu’arribaram d’ací duas òras pròche de l’estacion Rilès2000.

– Tiò, Pom. Tiri balha-me mes d’informacions sus l’estacion Rilès2000.

– Rilès2000 qu’ei ua estacion qui emet signaus de detressa desempuish dus dias. D’après lo sué darrèr signau l’equipatge qu’an aterrit dens las Hautas-Pireneas que i èran 7 soldats dens aquera estacion. La loa desparicion qu’ei estranha, ce responó Tiri.

Qu’arribèn après sèt òras de viatge suu planeta Tèrra aon trobèn los soldats mes n’i avèva pas d’autes umans. Los soldats n’avèvan pas trobat nat uman desempuish dus dias. Donc Spok que demandè a Tiri:

– Qu’ei çò qui’s passat aquí?

– N’èi pas nada responsa peu moment, ce responó Tiri.

– Que vam dever trobar tots sols.

Los soldats e Pom que partín en cèrca deus òmis mentre que lo generau Spok ne’n profieitè entà cercar mes d’informacions suu virus estranh de qui pensava que podosse estar sus Tèrra…. Duas òras mes tard, lo generau Spok n’avèva pas avançat mes los soldats e Pom que trobèn ua hemna e los sués mainatges.

– Adishatz monde, avetz aiga desinfectada ? ce demandè la hemna.

– Desinfectada, perqué desinfactada ? ce disó un soldat en balhant-la un botelhòt d’aiga.

– Ne sabetz pas que i a un virus aperat « brasa d’aiga » ?…

– Non, e qu’ei çò qu’ei aquò?

– Qu’ei un virus incurable qui hèr càger malaut tot lo monde e qui tua. Qu’ei un virus present dens l’aiga.

– Mercés per aqueras informacions.

De tira, un soldat que transmetó l’informacion a Spok :

– Generau ne cau pas béver aiga de Tèrra pr’amor qu’ei infectada per la « brasa d’aiga » de qui ei un virus mortau.

– Mercés soldat, vè-te’n cercar aiga entà la hèr analisar per Tiri.

Lo generau, Pom e los soldats que tornèn a l’estacion dab un escantilh d’aiga infectada per lo virus. Que lo hasón analisar per Tiri.

– Alavetz Tiri? ce demandè Pom

– L’escantilh qui m’avetz balhat qu’ei infectat deu virus « brasa d’aiga ».

– Quin heram tà desinfectar-la ? ce demandè lo generau.

– Que sufeish de l’aspirar dab un colador.

– Aon podem trobar aqueth colador, Tiri ?

– Suu planeta Zedòu.

Quate soldats que partín dab Riles2000 reparada sus aqueth planeta e que tornèn tres dias arron dab los coladors. Mes los quate soldats ne volèvan pas los balhar aus abitants deu planeta Tèrra mes los ac véner.

Lo Generau e Pom qui ne volèvam pas briga los véner e que prenón las loas armas pr’amor que sentivan los quate soldats un drin agresius e miançaires. Los quate soldats que sortín eths tanben las loas armas.

– Ne cau pas usar la misèria umana tà emplear-se las pochàs, ce disó Pom.

Un deus quate soldats que gahè Pom per lo braç e que’u pausè la soa arma sus la tempa.

– Si ne hiquètz pas las armas a tèrra que tiri, ce disó un deus quate soldats.

Lo generau e los tres soldats que hiquèn las loas armas au sòu. Un grope d’òmis qui passava per athèu que lancèn peiras qui estabosín los quate soldats. Donc Pom que s’apressè tà anar mercejar los omis mes un deus soldats qui n’èra pas estabosit qu’a miejas que tirè sus Pom. Que morí suu còp. Lo generau ne tirè pas d’un còp sus lo soldat.

Los dias arron, coma avèva sauvat l’avier de l’espesa umana, ua estatua qu’estó quilhada en l’aumatge de Pom.