Mass Effect Andromèda

      Adishatz a tots los adèptes/as deu Diu Negre e de jòcs videos. Aquesta setmana l’equipa que partí en viatge de cap ad ua auta galaxia entà testar per vos lo darrèr vadut deus estúdios BioWare, Mass Effect Andromèda, sortit lo 23 de març de 2017 sus totas las platafòrmas. Ua galaxia de las ricas de la quau n’èm pas enqüèra tornats. Planvenguts en la galaxia d’Andromèda, lo vòste navèth larèr.

Drin d’istòria

           600 ans après los episòdis de la trilogia precedenta, l’Iniciativa Andromèda (projècte de colonizacion de la galaxia deu medish nom) qu’a per prètzhèit de trobar a l’UmAlec Ryderanitat e a las autas raças deu Camin de Sent Jacme, navèths larèrs. Que hètz partida d’aquera iniciativa qui a au son cap los peonèrs, comandants deus vaishèths de colonizacion aperats Arcas (mercés Noè !). Lo vòste avatar qu’ei lo hilh o la hilha deu peonèr de l’Arca umana, Alec Ryder, un personatge luenh d’estar a l’imatge deu pair afectuós… Aquò rai, qu’ètz acerà entà descobrir, encontrar e susvíver…

      Mes, com en cada projècte aprestat a la bambòla e milèrs d’annadas lutz enlà, la colonizacion d’aquera galaxia ne’s va pas passar com previst. En efèit, que i a autoctònes pro agressius qui ne v’esperavan pas mes qui’s haràn un plaser de servir de comitat d’arcuelh, los Kerts…

     Aqueths navèths vesins, fanatics d’ua religion qui vòu exaltat totas las creaturas d’Andromèda, que v’empacharà de fondar sus l’Abitat 7 (un monde causit per l’iniciativa com ua cibla potenciau tà la colonizacion o un monde d’aur) la purmèra colonia umana.

abitat 7

       Pendent aquera mission, que v’avisatz que los Kerts e semblan utilizar un monolit qui interageish dab lo planeta qui n’ei pas mei lotjader. La mission que vira au massacre, lo vòste pair que s’i hè las darrèras e la mieitat de l’equipa d’exploracion dab eth. Que tornatz sus l’Iperion (l’Arca umana) dab la carga pesuga de tornar préner la halha. Que vadetz lavetz lo/la peonèr/a, l’òmi o la hemna cargat de trobar aus 20 000 umans criogenizats un navèth larèr abans de véder a consumir las vòstas darrèras ressorças. Planvenguts a vòste !

Un monde obèrt

          Quan parlam de Mass Effect, ne podem pas non pas bremkertseosbar la soa acostuma de balhar aus jogaires mondes obèrts graficament elaborats de plan. Dab lo vòste vaishèth, lo Tempest que vatz aver lo plaser d’anar de long e de lad per tot l’espaci que v’auhereish la galaxia d’Andromèda. Au menut, exploracion deus planetas, espleitada deus mineraus, encontra deu tresau tipe (que seratz vos qui haratz a l’alien, çò qu’ei pro amusant !) e viatges interstellars.

     Qu’ei suu planeta Eòs que poderatz vertadèrament profieitar d’aqueth espaci, vadut enqüèra mei gran per l’ambient desertic qu’i domina. Mes quin explorar un planeta tant gran e desertic, on v’espèran la fauna, la flòra e los kerts… non ve’n detz, l’Iniciativa qu’ac a tot pensat a la vòsta plaça e que hicarà a la vòsta disposicion un Nomada, un veïcule qui’vs permeterà d’explorar tots los planetas shens nada boishòrla aus pès.

        La diferéncia dab los autes mondes obèrts perpausats per abans en los episòdis precedents qu’ei que’n çò d’Andromèda, aqueths mondes que son dinamics. En efèit que vaderàn mei grans dab lo temps, segon las vòstas accions e causidas. Aquera causida de non pas balhar au jogaire la possibilitat d’explorar tota la mapa tanlèu lo començar, mes de ligar aquera exploracion a l’istòria principau e las annèx, que permet d’apregondir l’univèrs perpausat, de balhar au jogaire lo sentit que las soas accions, quan seràn consideradas menoras purmèr, qu’an ua importància vertadèra tà l’escaduda de l’Iniciativa.

Un scenari de qualitat

     Vertat, n’ei pas lo purmèr còp que los estúdios BioWare e ns’auhereish un scenari de qualitat. Tots los ahuecats d’aquera equipa, qu’an los noms de mantun títol qu’arriban dejà au cap deus pòts, tant ei ua acostuma. Que podem citar la trilogia Dragon Age, Star Wars the old republic anddia(SWTOR) o los inobliables Neverwinter Nights e Baldur’s Gate. Andromèda ne deròga pas ad aquera exigéncia e que possa tanben enqüèra mei luenh aquesta en pausà’ns questions qui pertòcan lo noste aviéner en perpausà’ns un scenari crededer e eficaç. Las vòstas causidas qu’an consequéncias, que la vòsta equipa d’exploracion e’s harà un plàser de’vs brembar, mes qu’avetz a saber que’n çò d’Andromèda n’i a pas maishantas causidas, mes biaishs diferents d’arribar au prètzhèit finau, l’escaduda de l’Iniciativa. N’i a pas sonque consequéncias ad assumir, e qu’ei aquí que podem trobar las avançadas mei granas. Aqueth apròchi que permet a l’univèrs Mass Effect d’interrogar de reng lo jogaire sus eth medish en demandà’u quin reglaré tau o tau situacion se las vivèva un dia… Andromèda qu’ei donc un jòc qui hè pensar en tot divertir, que demandar mei ? 

    Hornitz a tot aquò ua durada de vita de las longas, la possibilitat de har cèrcas sus l’armament, l’amelhorança deus veïcules e de l’equipament, ua horrèra de missions annèx e las òras de dialògues dab las vòstas equipa e qu’avetz un jòc digne de’s presentar com l’eretèr de la trilogia de Mass Effect !

      Nat arcast ? En hèit que n’i a un que podem har ad aqueth jòc e dilhèu que trobaratz que passi mesura dab las meas exigéncias, mes que tròbi de dòu har de non pas deishar aus jogaires la causida de l’Arca. En efèit, ne podetz pas sonque estar un uman, quan las autas arcas qu’avèvan tanben lo lor interès, qu’ei chic de causa vertat. Mes qu’ac sabetz lo Diu Negre n’ei pas jamei contentat, d’aulhors que torna en la galaxia d’Andromèda, que s’i passa causas de las interessantas per aqueths torns !

Remèsi 

PS4-Game-of-the-Year-2016-Mass-Effect-Andromeda-4K-Wallpapers-2560x1440

Que trobaratz aquí totas las informacions sus Mass Effect Andromeda 

https://www.masseffect.com

Daissar una responsa

Fill in your details below or click an icon to log in:

WordPress.com Logo

You are commenting using your WordPress.com account. Log Out / Cambiar )

Twitter picture

You are commenting using your Twitter account. Log Out / Cambiar )

Facebook photo

You are commenting using your Facebook account. Log Out / Cambiar )

Google+ photo

You are commenting using your Google+ account. Log Out / Cambiar )

Connecting to %s