Au ras de Nau-Pau, un desintegrator de gets rois còsta la peitrina, qu’atenom, dab los companhs, la darrèra escaramoisha. Las geminadas de Guilhèm e Joan, gravament cramats, qu’estón a ua, melodiosament, dab las gotadas qui cliquetejavan en ritme sus las caras planpausadas d’un beton omnipresent. Qu’i èra hred de s’i acostava, meitat jasut en serpejar sus las cueishas de las quaus los exoesquelèts que vadón mei pes qu’ajudas. N’avom pas la causida, en aquera pièla d’estructuras fraccionadas, per la ràbia de la guèrra, lo mendre deus intersticis que podèva estar la darrèra de las nostas enganadas. Aquesta ne seré pas estada la mei fatau, qu’avom hèita, simplament la mei logica, fin finau.
Qu’avèvam degrèu, adara, amarament la nosta hida balhada, lo noste espèr accordat aus òmis providenciaus e a las hemnas parièras. Qu’èra çò qui’ns tuava uei, devath aceth gris luenhor qui pishava sus las nostas barbas de guerreròs. Ua man que vienó sasir dab rudessa ua de las meas espatlas quan inspectavi, dab ua lucada concentrada, las perceptivas d’arreplegada. Qu’èra Arsin Lahorcada, ancianament farmacian vadut saunejaire suicida, qu’articulè, un drin chepicós saupicat de hidença: » Tè ! L’irlandés, as entenut l’ASP* ? Que’ns balhan la causida de la capitulacion ! » N’avèvi pas de gaelic sonque l’imatge estereotipat que’us se’n hasèvan deus insulars, devossi estar german meilèu, pr’amor l’istòria que’ns disèva que ne’us mancavan pas de Barbarossa en çò d’eths tampòc » E lavetz Medoc ? Saps çò qu’aquò signifaré ? » Los pius minutats d’ua granada plasma que vienón clavar la fausa interrogacion. Que hiquèn en silenci l’esterilizacion forçada de la populacion prauba, los camps de tribalh tà la benança nacionau, la destruccion de Mercuri…
Incipit de las partviradas qui amiavan irremediablament cap ad aqueste dimenge plojós, tripas e lagremas.
T.F
- Avion shens pilòt
Un ensai promedís, qu’espèri que vas desvolopar aqueth costat cibèr punk e perpausar aus lectors de Diu Negre novèlas mei longas e enqüèra mei escuras. Que’m prèssa de’n léger mei.
J’aimeAimé par 1 personne
Òc, qu’ei domatge que solament podèm liéger aguesta part e pro. Avèm enveja de ne poder liéger encara mes e lèu lèu. Solide qu’era istòria serà encara mes interessanta.
J’aimeAimé par 2 personnes
This is grreat
J’aimeJ’aime